Imikino

Mu irushanwa rya Basketball Africa League ririmo kubera mu Rwanda, nyuma y’isozwa ry’imikino yo mu matsinda ku wa mbere tariki 24 Gicurasi 2021, hamaze kumenyekana uko amakipe azakina muri kimwe cya kane k’irangiza. Ku makipe 12 yari yatangiye iri rushanwa rya BAL, atandatu yahise abona itike ya ¼ k’irangiza (ni ukuvuga amakipe ya mbere y’aya kabiri muri buri tsinda) hiyongeraho amakipe abiri yitwaye neza n’ubwo yarangijne ari ku mwanya wa gatatu mu matsinda yayo. Ayo akipe yakomeje ni Union Sportive de Monastir yo muri Tuniziya, Patriotes Basketball Club yo mu Rwanda, Petro de Luanda yo muri Angola, AS Salé yo muri Maroke, Zamalek yo mu Misiri, Ferroviario de Maputo yo muri Mozambike, Forces Armées et Police (FAP) yo muri Kameruni na AS Douanes yo muri Senegali. Amakipe 4 yas...

Mu gihe abakunzi b’umukino w’intoki wa Basketball hirya no hino ku isi baba bategereje n’igishyika kinshi amakuru y’irushanwa rishya rya Basketball Africa League ririmo kubera mu Rwanda guhera ku itariki ya 16 kugeza ku ya 30 y’ukwezi kwa 5, hamaze kwemezwa ubufatanye bw’umwihariko hagati y’Ijwi ry’Amerika n’Ubuyobozi bwa Basketball Africa League hamwe n’Ishyirahamwe ry’Umukino wa Basketball muri Leta Zunze Ubumwe z’Amerika, mu ntumbero yo gutangaza ku isi yose ibi irori by’irushanwa rikinwe ku nshuro ya mbere mu mateka. Itangazo ryashyizwe ahagaragara n’ubuyobozi bwa BAL rirasobanura ko ku rutonde rw’ibitangazamakuru bizasakaza iyi mikino ya BAL, Ijwi ry’Amerika iri ku ruhembe rw’imbere. Muri ubu bufatanye bw’imbonekarimwe, Ijwi ry’Amerika rizatangaza imikino 24 mu buryo bw’ako kan...

Buhoro buhoro amakipe aragenda yibonera uburenganzira bwo kwinjira mu mikino ya kimwe cya kane k’irangiza mu irushanwa rya Basketball Africa League ririmo kubera mu Rwanda mu nyubako y’imikino ya Kigali Arena i Remera. Nyuma y’uko Patriotes Basketball Club yo mu Rwanda ibaye Rubimburirangabo ubwo yatangiriraga abandi bose gukatisha itike yayo itsinze Gendarmerie Nationale yo muri Madagascar mu mukino wa kabiri wo mu itsinda rya mbere, kuri uyu wa kane andi makipe atatu yafashe uwo murongo. Mu itsinda rya 2, Petro de Luanda yo muri Angola, ibifashijwemo n’abakinnyi bayo ngenderwaho nka Joaquim Valdelicio, Childe Dundao, Olimpio Cipriano na bagenzi babo, batsinze bigoranye Forces Armées et Police yo muri Kameruni amanota 66 kuri 64. Muri iri tsinda, AS Salé yo muri Maroke yari yatangi...

Nyuma yo gutsinda Gendarmerie Nationale Basketball Club yo muri Madagascar amanota 78 kuri 72, ikipe ya Patriotes Basketball Club yo mu Rwanda ni yo yabimburiye andi makipe yose kubona uburenganzira bwo gukina kimwe cya kane cy’irangiza. Iyi kipe y’umutoza w’Umunyamerika Alan Major yari yatinze kwinjira mu mukino kuko yakomeje kugenda inyuma ya Gendarmerie Nationale mu duce dutatu (quart-temps) tubanza tw’umukino ariko bigeze mu gace ka nyuma akagozi karacika ku ruhande rwa GNBC iyobowe n’umutoza Lova Navalona Raharidera. Abasore ba Patriotes barimo Brandon Costner wagizwe umukinnyi w’umukino, Kenny Gasana, Bush Wamukota, Dieudonné Ndizeye na bagenzi babo bashoboye kwigaranzura ikipe y’abajandarume ba Madagasacar barimo Kiadi Razanamahenina, Elly Randriamampionona, Alpha Jean Arnol ...

Urwunge rw’Amashuri rw’i Butare ni ishuri rifite amateka aremereye mu ireme ry’uburezi no mu bikorwa bya siporo. Mu myaka yashize Groupe Scolaire yaramamaye cyane mu mikino haba mu mupira w’amaguru no muri volleyball ari na yo tugiye kwibandaho. Mu myaka ya vuba, ba Padiri Emmanuel Kayumba na Pierre Celestin Rwirangira bakunze kugarukwaho nka bamwe mu bayobozi ba Groupe Scolaire bashyigikiye volleyball nyuma ya jenoside yakorewe abatutsi. Gusa umusingi w’ubuhangange w’iri shuri rikunda kwitwa Indatwa wubakiye ku bafurere b’abashariti (Frères de la Charité) bayoboye iki kigo bakakigeza ku gasongero ka volleyball yo mu Rwanda. Mu myaka ya za 1980 ishyira za 90, abafurere nka Gaston na Bernard bakoze akazi gakomeye, bashimangira ibyari byaratangijwe n’abababanjirije, aho intego yari...

Seminari Ntoya y’i Butare iherereye mu Karere ka Huye mu Ntara y’Amajyepfo. Iri shuri rifite akabyiniriro k’Isonga y’Ayisumbuye kubera imyitwarire myiza mu nzego zitandukanye nk’ikinyabupfura, kugira abanyeshuri b’abahanga, ubuyobozi bufite indangagaciro nziza, abarimu b’intangarugero, ubuhangange muri muzika no mu mikino. Abazi neza amateka y’iri shuri ryubatse ku musozi wa Karubanda hafi ya gereza, bemeza ko iri zina ry’igisingizo ryazanywe n’umwe mu barimu bahigishije amasomo y’indimi witwaga Frodouard Sentama wakomokaga mu muryango w’abasizi na we ubwe akaba yari umusizi, waje guhitanwa na jenoside yakorewe abatutsi mu mwaka wa 1994. By’umwihariko, ikipe ya Seminari Ntoya Virgo Fidelis yari ihagaze neza mu mikino inyuranye ariko cyane cyane volleyball ibikesha umutoza wabaye icyamamare...

Umukino wo gusiganwa ku magare mu Rwanda umaze kugera ku rwego rushimishije mu ruhando mpuzamahanga. Uyu mukino watangiye mu Rwanda mu myaka ya za 70 uza kugenda utera imbere buhoro buhoro muri iki gihe ukaba ugeze ku ntera ya 2.1 ku rutonde rw’amarushanwa mpuzamahanga hakurikijwe ubusumbane bwayo. Amarushanwa nyirizina yatangiye gutegurwa mu mpera ya za 1970 no mu ntangiriro ya za 1980. Muri yo twavuga nk’isiganwa Tour de Kigali ryazengurukaga umugi wa Kigali, Tour de l’Est rya Rwamagana – Rusumo, Tour des Volcans ryerekezaga mu majyaruguru, Ascension des Mille Collines ryavaga i Kigali rikanyura mu mugi wa Butare rigasoreza ku Kanyaru na Traversée de Nyungwe ryerekezaga i Rusizi. Mu mwaka wa 1988 hatangiye isiganwa ry’amagare rizenguruka igihugu Tour du Rwanda. Icyo gihe ryeguk...

Si kenshi umukinnyi umwe ashobora kwisanga afite impano zirenze imwe mu gukina umukino runaka. N’iyo bibaye usanga hari umukino umwe aba ashoboye ku rwego rwo hejuru, mu wundi bikaba ari nko kugerageza. Mukerarugendo.rw yifuje kubagezaho bamwe mu bakinnyi bo mu Rwanda bashoboye gukina ku rwego rwo hejuru mu mikino ibiri itandukanye ndetse bakinira amakipe yo mu kiciro cya mbere. 1.Samson HARERIMANA: Uyu mukinnyi abantu benshi ntibamuzi. Mbere ya Jenoside yakorewe abatutsi yakinaga mu ikipe y’umupira w’amaguru ya Pantheres Noires y’abasirikare b’u Rwanda icyo gihe. Yari umunyezamu, gusa izina rye ntiryamamaye nk’iry’abamubanjirije muri iyo kipe nka  Ngeze ndetse na Onesphore Ngabonzima. Samson ntabwo yakinaga umupira w’amaguru gusa. Yari n’umukinnyi wa Volleyball  mu ikipe yitwaga Ouraga...

Muri gahunda twiyemeje yo kubasangiza amakuru y’ukuri no kwibukiranya amateka yaranze imikino mu Rwanda, turabagezaho urutonde rw’abakinnyi 11 batangiye mu kibuga mu mukino wo kwishyura wabereye i Kigali Rayon Sports igatsinda El Hilal yo muri Sudani ibitego 4 kuri 1 mu mukino wo kwishyura mu guhatanira igikombe cy’Afurika ku makipe yatwaye ibikombe iwayo Cup Winners’ Cup mu gihe El Hilal yari yatsinze Rayon Sport igitego kimwe ku busa mu mukino ubanza. Gusa Rayon sport nta bwo na yo yashoboye gukomeza mu kiciro gikurikiraho kuko mu Rwanda hahise haba jenoside yakorewe abatutsi bigatuma ikipe ya Kenya Breweries bagombaga guhura ari yo yikomereza. MURANGWA Eugene: Uyu ni we wafatiraga Rayon Sport muri icyo gihe. Yarangwaga no gukinana ingofero y’urukinga. Murangwa yaje gutoroka ikipe y’i...

Abenshi mu bakurikiranira hafi umupira w’amaguru wo mu Rwanda bazi izina rya Muvara Valens kuko yagize ibigwi nk’umukinnyi mwiza usatira izamu. Gusa bamwe muri bo ni bo bazi bimwe mu byamuranze. Muvala Valens afite imyaka 60 y’amavuko. Akomoka mu muryango mugari w’abakinnyi b’umupira w’amaguru kuko barumuna be bitwa ba Mudeyi bagerageje kugera ikirenge mu cye. Izina rya se w’aba bose ni Modeste Mudeyi. Muri Vital’o yari ikitegererezo Nyuma yo kuzamukira mu ikipe yitwaga Bata, Muvara Valens yinjiye muri Vital’o yo mu Burundi aho yigaragaje cyane nk’umukinnyi ukomeye hamwe na Malik Jabir, Kamurani, Lomami n’abandi. Valens Muvara yazamukiraga ku ruhande rw’iburyo (ailier droit) agatsinda ibitego byinshi. Yahishuye icyatumye ava muri Vital’o imburagihe akiyizira muri Kiyovu Spo...