Imikino

Ku wa gatandatu tariki 21 Gicurasi 2022 muri Kigali Arena i Remera, ikipe ya REG Basketball Club yo mu Rwanda yasezerewe na Forces Armées et Police yo muri Kameruni muri kimwe cya kane k'irangiza k'irushanwa rya Basketball Africa League ririmo kubera mu Rwanda. Ikipe y'Ikigo k'Igihugu Gishinzwe Ingufu yatunguwe na Forces Armées et Police iyitsinda amanota 66 kuri 63. Muri uyu mukino FAP yakomeje kuza imbere ya REG Basketball Club mu duce twose uko ari tune. Usibye Thomas Cleveland na Axel Mpoyo abandi bakinnyi bose ba REG bagaragaje intege nke. John Pack umutoza wa REG Basketball Club yatangaje ko abasore be bananiwe gushyira mu bikorwa ibyo bari bamaze iminsi bitoza, yongeraho ko aticuza kuba yarasezereye igitaraganya abakinnyi Ntore Habimana na Pitchou Manga akabasimbuza Kenny ...

Mu kiganiro kigenewe itangazamakuru cyabaye ku wa gatanu tariki 20 Gicurasi 2022 mbere y'uko imikino ya Kamarampaka ya Basketball Africa League 2022 itangira i Kigali mu Rwanda, Minisitiri wa Siporo mu Rwanda Aurore Mimosa Munyangaju yatangaje ko u Rwanda rumaze kungukira byinshi mu kwakira iri rushanwa. Muri iki kiganiro cyatumiwemo abanyamakuru bo mu gihugu ndetse n'abakorera ibitangazamakuru mpuzamahanga, Minisitiri Munyangaju yavuze ko Leta y'u Rwanda yiyemeje kuba igicumbi cy'amarushanwa mpuzamahanga yo ku rwego rwo hejuru kuko ibyo bikorwa bifasha igihugu kurushaho kumenyekana mu ruhando rw'isi. Ati "Mu rwego rwo guharanira ko igihugu cyacu gikomeza kuba nyabagendwa, duha agaciro imikino, tugashyira imbaraga mu kwakira amarushanwa akomeye kandi tukayategura neza. Abahagarariye...

Mu mikino ya shampiyona yari igeze ku munsi wayo wa 27, ku wa gatandatu habaye imikino ine. Ikipe ya Marines FC yatsinze Etincelles FC ibitego 4 kuri 1 kuri Sitade Umuganda i Rubavu. Ibyo bitego 4 kuri 1 kandi ni byo Gorilla FC yatsinze Bugesera FC kuri Sitade y'i Bugesera. Etoile de l'Est yatsinze Espoir FC ibitego 3 kuri 1 kuri Sitade y'i Ngoma. Mu mukino wa karundura wabereye kuri Sitade ya Kigali i Nyamirambo, ikipe ya Kiyovu Sport yatsinze APR FC ibitego 2 kuri 1. Ibitego bya Kiyovu Sport byatsinzwe na Abedi Bigirimana na Emmanuel Okwi na ho igitego cy'APR FC gitsindwa na Ombolenga Fitina. Ku cyumweru na bwo habaye imikino ine. Gicumbi FC yanganyije na Gasogi United ubusa ku busa kuri Sitade y'i Gicumbi, Musanze FC inganya na Rayon Sport kuri Sitade Ubworoherane i Musanze. Kuri...

Kuva kuri uyu wa gatatu tariki 27 Mata 2022 kugeza ku cyumweru tariki 1 Gicurasi 2022 mu Rwanda hazaba harimo kubera irushanwa rihuza ibihugu bigize Afurika y'i Burasirazuba ku bakinnyi batarengeje imyaka 12. Muri iyi mikino irimo kubera kubera ku bibuga byo mu Ishuri ry'Imyuga n'Ubumenyingiro IPRC Kigali amakipe yaserutse ni u Rwanda, Uganda, u Burundi, Kenya na Tanzaniya. Buri kipe igizwe n'abakinnyi batatu ku makipe y'abahungu no ku makipe y'abakobwa. Ku ruhande rw'u Rwanda, Aimable Ndejuru Visi Prezida w'Ishyirahamwe ry'Umukino wa Tennis mu Rwanda akaba ari na we mutoza mukuru w'iyi kipe y'igihugu irimo kurushanwa avuga ko imyiteguro yagenze neza kuko abana bakoze imyitozo mu gihe kingana n'ibyumweru bine hibandwa ku kuzamura urwego mu buhanga, amayeri y'umukino no kugira imyumv...

  Ku wa kabiri ku itariki ya 19 y'uku kwezi kwa kane ni bwo i Kayiro mu Misiri harangiye imikino yahuzaga amakipe 6 yo mu itsinda rya Nili, mu irushanwa rya Basketball Africa League ry'uyu mwaka wa 2022. Muri iyi mikino yari yatangiye ku itariki ya 9 y'uku kwezi, amakipe yari yaserutse ni Zamalek yo mu Misiri yakiniraga mu rugo, Petro de Luanda yo muri Angola, Cape Town Tigers yo muri Afurika y'Epfo, Forces Armées et Police yo muri Kameruni, Cobra Sports yo muri Sudani y'Epfo na Espoir Fukash yo muri Repubulika Iharanira Demokarasi ya Kongo. Nyuma y'iyi mikino yo mu itsinda rya Nili, aho buri kipe yakinnye imikino itanu, ikipe yaje ku isonga ni Zamalek yo mu Misiri ifite amanota 10 ku 10. Ibi birashimangira ko kabuhariwe Anas Mahmoud, Moustafa Elmekawi, Diogu Ikechukwu na...

Ku wa kabiri tariki 15 Werurwe 2022 ikipe y'Ikigo k'Igihugu Gishinzwe Ingufu REG Basketball Club yatsinze umukino wayo wa 5 ari na wo wa nyuma mu mikino yo mu itsinda rya Sahara ihita yegukana umwanya wa mbere muri iri rushanwa rya Basketball Africa League rigikomeje. Uwo mukino wayihuje na Ferroviario da Beira yo muri Mozambike urangira REG Basketball Club itsinze 94 kuri 89. Jean Jacques Wilson Nshobozwabyosenumukiza ari mu bakinnyi bigaragaje cyane kuko yatsinze amanota 28. Mu wundi mukino wabaye kuri uyu wa kabiri, ikipe ya AS Salé yo muri Maroc yatsinze Dakar Université Club yo muri Senegali amanota 91 kuri 86. Mu mikino itanu buri kipe yakinnye muri iri rushanwa ryaberaga i Dakar muri Senegali, ikipe ya REG Basketball Club yatsinzemo ine yayihuje na AS Salé yo muri Maro...

Mu ijoro ryo ku wa mbere tariki 14 Werurwe 2022 ikipe ya REG Basketball Club ihagarariye u Rwanda mu itsinda rya Sahara mu irushanwa rya Basketball Africa League yatsinze US Monastir yo muri Tuniziya. Abakinnyi ba US Monastir bayobowe na kapiteni wabo Radouane Slimane batangiye bari imbere ya REG Basketball Club ariko iyi kipe y'Ikigo k'Igihugu Gishinzwe Ingufu iza kwisubiraho mu gace ka gatatu irayigaranzura. Ibifashijwe na Adonis Filer, Dieudonné Ndayisaba, Pitchou Manga na Anthony Walker bakajije umurego ku  buryo umukino warangiye batsinze ikipe y'igihangange US Monastir amanota 77 kuri 74. Iyi ntsinzi ya REG Basketabll Club yayifashije gushimangira mu buryo budakuka uburenganzira bwo kuzaba iri mu makipe 8 azahatana mu mikino ya kamarampaka (playoffs) ya BAL 2022 izabera mu ...

Mu ijoro ryo ku wa gatanu tariki 11 Werurwe 2022, ikipe ya REG Basketball Club ihagaraiye u Rwanda mu irushanwa rya Basketball Africa League mu itsinda rya Sahara ririmo gukinira i Dakar muri Senegali yatsinzwe umukino wayo wa mbere na Dakar Université Club yo muri icyo gihugu. Iyi kipe ya Kaminuza Cheikh Anta Diop yatanze REG Basketball Club kwinjira mu mukino igera n'aho iyisiga amanota 12. Abakinnyi b'umutoza Robert John Pack bakoze iyo bwabaga ngo bakuremo ikinyuranyo ndetse bari bagiye kubigeraho mu gace ka gatatu k'umukino ariko byose biza gusubira i Rudubi ubwo umukino wari ugiye kurangira. Mu minota ya nyuma na nyuma abakinnyi ba DUC nka Hameed Tariq Ali, Adama Diakhite, Jordan Aboudou na bagenzi babo barushije REG gukomeza umutsi bityo ifirimbi ya nyuma ivuga batsinze amano...

Ku wa gatatu tariki ya 9 werurwe 2022 ikipe ya REG Basketball Club ihagarariye u Rwanda mu mikino y'itsinda rya Sahara rya Basketball Africa League yatsinze umukino wayo wa kabiri. Iyi kipe y'umutoza mushya Umunyamerika Robert John Pack yatsinze Seydou Legacy Athletic Club yo muri Guineya amanota 83 kuri 81. Ni umukino utari woroshye kuko aya makipe yakomeje gukubana kugeza ku ndunduro. Amanota atatu yabonetse ku isegonda rya nyuma atsinzwe na Jean Jacques wilson Nshobozwabyosenumukiza ni yo yarokoye REG Basketball Club bituma itsinda umukino wayo wa kabiri nyuma yo gutungura AS Salé yo muri Maroke. Ni intambwe ikomeye kuri REG Basketball Club yo kwerekeza mu mikino ya playoffs izabera mu Rwanda kuva ku itariki ya 21 kugera ku ya 28 Gicurasi 2022. Amanota ane mu mikino ibiri ...

Mu irushanwa rya Basketball Africa League ririmo kubera muri Senegali rigahuza amakipe 6 agize itsinda rya Sahara, ikipe ya REG Basketball Club ihagarariye u Rwanda yinjiye neza mu rugamba itsinda umukino wayo wa mbere ku cyumweru. Iyi kipe y'Ikigo Gishinzwe Ingufu mu Rwanda yatunguye AS Salé yo muri Maroke iyitsinda amanota 91 kuri 87. Mu gace ka mbere ndetse n'aka kabiri k'umukino, abakinnyi b'umutoza Liz Mills wa AS Salé bakomeje kugenda imbere bitewe n'umuhate w'abakinnyi bayo ngenderwaho nka Alvaro Masa, Abdoulaye Amadou, Soufiane Kourdou, Terrell Stogglin na Zakaria El Masbahi. Mu duce tubiri dusoza, umutoza wa REG Basketball Club Umunyamerika Robert Pack yahinduye umuvuno, yubakira umukino kuri Adonis Filer na Jean Jacques Wilson Nshobozwabyosenumukiza ahagana inyum...