Thursday, May 26
Shadow

BAL 2022: REG Basketball Club yateye indi ntambwe iyerekeza muri playoffs.

Ku wa gatatu tariki ya 9 werurwe 2022 ikipe ya REG Basketball Club ihagarariye u Rwanda mu mikino y’itsinda rya Sahara rya Basketball Africa League yatsinze umukino wayo wa kabiri.

Iyi kipe y’umutoza mushya Umunyamerika Robert John Pack yatsinze Seydou Legacy Athletic Club yo muri Guineya amanota 83 kuri 81. Ni umukino utari woroshye kuko aya makipe yakomeje gukubana kugeza ku ndunduro. Amanota atatu yabonetse ku isegonda rya nyuma atsinzwe na Jean Jacques wilson Nshobozwabyosenumukiza ni yo yarokoye REG Basketball Club bituma itsinda umukino wayo wa kabiri nyuma yo gutungura AS Salé yo muri Maroke.

Umutoza wa REG Basketball Club Robert Pack

Ni intambwe ikomeye kuri REG Basketball Club yo kwerekeza mu mikino ya playoffs izabera mu Rwanda kuva ku itariki ya 21 kugera ku ya 28 Gicurasi 2022. Amanota ane mu mikino ibiri aratanga ikizere cyo kuzazamuka mu makipe ane azakomeza akazahura n’andi makipe ane azaturuka mu itsinda rya Nili rizakinira i Kayiro mu Misiri kuva ku itariki ya 9 kugeza ku ya 19 Mata 2022.

Jean Jacques Wilson Nshobozwabyosenumukiza ni we wahesheje ikipe ye intsinzi.

Mu wundi mukino wabaye ku wa gatatu, ikipe ya AS Salé yo muri Maroke yatsinze Ferroviario da Beira amanota 95 kuri 84.

Urutonde rwagateganyo:

1.US Monastir ifite amanota 4 mu mikino 2

2.REG Basketball Club: amanota 4 mu mikino 2

3.SLAC: amanota 4 mu mikino 3

4.Ferroviario da Beira: amanota 4 mu mikino 3

5.AS Salé : amanota 3 mu mikino 2

6.DUC : amanota 2 mu mikino ibiri

Jean Claude MUNYANDINDA

 

 

1 Comment

Leave a Reply

Your email address will not be published. Required fields are marked *