Saturday, November 27
Shadow

Afrobasket 2021 : u Rwanda rwasezerewe

Mu irushanwa ry’Afrobasket ririmo kubera muri Kigali Arena i Remera, ejo ku wa mbere hatangiye imikino ya kamarampaka igamije kujonjora amakipe amakipe ane agomba kwinjira muri kimwe cya kane k’irangiza, agasangayo andi makipe ane yarangije ari aya mbere mu matsinda yayo, ari yo Cap Vert, Tuniziya, Cote Divuwari na Senegali.

Ikipe y’igihugu y’u Rwanda yaraye isezerewe imbere y’abafana bayo nyuma yo gutsindwa n’ikipe ya Gineya amanota 72 kuri 68 mu mukino wari watangiye i saa kumi n’ebyiri z’umugoroba.

Ni umukino utari woroshye

Mu wundi mukino wa kamarampaka wari watangiye i saa cyenda z’igicamunsi, ikipe y’igihugu y’Angola yakuyemo Misiri iyitsinze amanota 70 kuri 62.

Kuri uyu wa kabiri muri iyi mikino ya kamarampaka hateganyijwe indi mikino ibiri. Guhera i saa cyenda ikipe y’igihugu ya Nijeriya irahura na Uganda hanyuma i saa kumi n’ebyiri Sudani y’Epfo ikaza gukina na Kenya.

Ejo ku wa gatatu hazaba imikino ibiri ya kimwe cya kane k’irangiza indi mikino ibiri ikazakinwa ku wa kane. Ku wa gatandatu hateganyijwe demie finale, na ho umukino wo guhatanira umwanya wa gatatu ndetse n’umukino wa finale ikazaba kuri iki cyumweru tariki ya 5 Nzeri 2021.

Jean Claude MUNYANDINDA

Leave a Reply

Your email address will not be published. Required fields are marked *