Friday, October 22
Shadow

Jacob Desvarieux washinze itsinda Kassav yitabye Imana

Umuyobozi w’itsinda ryamamaye mu njyana ya zouk Jacob Desvarieux yitabye Imana ku itariki ya 30 Nyakanga 2021 azize uburwayi bwa Covid-19.

Nyuma y’uko nyakwigendera amenye ko yanduye virusi ya Corona yagiye kwa muganga hanyuma abaganga bamaze kubona ko arembye cyane bafata umwanzuro wo kumusinziriza ngo bagerageze kumwitaho atumva ububabare.

Byaje kuba bibi kuko umutima wa Jacob Desvarieux wahise uhagarara. Abo mu muryango we bari bamenyeshejwe ko arembye cyane ariko ku bw’amahirwe make yarinze ashiramo umwuka batarashobora kumugeraho.

Yari umucuranzi ukomeye wa guitare

Jacob Desvarieux witabye Imana ku myaka 65 y’amavuko, ni we washinze itsinda ricuranga kandi rikanaririmba indirimbo zo mu njyana ya zouk mu mwaka wa 1979 muri Guadeloupe.

Abagize itsinda rya Kassav

Usibye Jacob Desvarieux abandi bahanzi b’imena batangiranye n’itsinda Kassav ni Jocelyne Béroard, Jean-Philippe Marthély, Patrick St. Eloi (witabye Imana muri 2010), Jean-Claude Naimro, Claude Vamur na Georges Décimus.

Mary IRIBAGIZA

 

 

Leave a Reply

Your email address will not be published. Required fields are marked *