Friday, October 22
Shadow

Mu Bushinwa hubatswe etaje ifite amagorofa 10 mu munsi umwe n’amasaha 4.

Kompanyi y’ubwubatsi ya Broad Group ifite ikicaro i Changsha mu Bushinwa, yakoze ibidasanzwe yubaka inyubako y’amagorofa icumi mu masaha 28.

Iyi kompanyi yamamaye cyane mu bwubatsi bw’amahoteli, inyubako z’ibiro n’amacumbi kuva igihe yashingwaga mu mwaka wa 1988. Izwiho kubaka amazu mu gihe gito gishoboka.

Umuturirwa mushya yawubatse mu masaha 28 gusa. Hifashishijwe uburyo bushya bw’imyubakire bwitwa 5D aho bategura mbere ibikoresho byose bigomba kwifashishwa, bakanabumba ibimeze nk’inkuta bagenda bagerekeranya mu gihe cyo kubaka bityo ugasanga bitwaye igihe gito cyane kugira ngo inyubako ibe irangiye.

Gutegura iyubakwa ry’inzu nk’iyi bikorwa mbere ku kigero cya 95 % ku buryo ibikorerwa ahagomba gushingwa iyo nyubako bishyirwa ku gipimo cya 5%.

Ibikorwa bibanza gutegurwa mbere yo kubaka inzu nyirizina ni inkuta, amadirishya, ibirahure, ibirebana n’amashanyarazi n’amazi.

Daniel Zhang umwe mu bakozi ba Broad Group avuga ko ibikoresho byubatse inyubako nk’izi biramba kandi bikaba bishobora kwimurwa.

Iyi nzu y’umuturirwa yiswe akazina ka ‘The Living Building’ igizwe na etaje 10 yubatswe mu gihe kingana n’amasaha 28 n’iminota 45 iherereye ahitwa Changsha mu Bushinwa.

Mark MUKAMA

Leave a Reply

Your email address will not be published. Required fields are marked *