Saturday, October 23
Shadow

CECAFA Kagame Cup 2021: APR FC ntabwo izajyayo

Ikipe y’umupira w’amaguru y’abasirikare b’u Rwanda APR FC ntabwo izitabira irushanwa rihuza amakipe yabaye aya mbere mu karere k’Afurika y’i Burasirazuba rizwi nka CECAFA Kagame Cup.

Nyuma y’uko ubunyamabanga bwa CECAFA butangaje amakipe agomba guhatana muri iri rushanwa ritaganyijwe kubera i Dar Es Salam muri Tanzaniya kuva tariki ya 1 kugeza ku ya 15 Kanama 2021, ubuyobozi bw’ikipe y’APR FC bwahise buvuga ko iyi kipe itazajyayo. Général de Brigade Firmin Bayingana Visi Prezida wa APR FC yatangaje ko kubera ingamba zo kwirinda icyorezo cya COVID-19 ikipe yabo itazitabira CECAFA Kagame Cup y’uyu mwaka cyane cyane ko ngo itaranatangira imyitozo.

Amakipe asigaye yemeye kuzajya muri iri rushanwa nyuma y’uko APR FC ikuyemo akayo karenge ni Express na KCCA (Uganda), Tusker FC (Kenya), Yanga na Azam FC (Tanzania), Le Messager Ngozi (Burundi), Atlabara FC (Sudani y’Epfo ), KMKM SC (Zanzbar) na Big Bullets (Malawi).

Jean Claude MUNYANDINDA

Leave a Reply

Your email address will not be published. Required fields are marked *