Wednesday, June 22
Shadow

Tumenye akamaro k’urusenda mu mubiri

Urusenda rushobora guhangana na bimwe mu bibazo by’umubiri n’ubwo hari benshi batarukunda bavuga ko rubarya mu kanwa. Ibi ni  bimwe mu byiza byo kurya urusenda

Kugabanya umubyibuho ukabije

Umubyibuho ukabije abahanga mu by’ ubuzima bavuga ko wongera ibyago byo kurwara indwara zitandura nk’ umutima, diyabeti, umuvuduko ukabije w’amaraso na kanseri.

N’ubwo izi ndwara ziri mu zihangayikishije benshi muri iyi minsi, kimwe mu bisubizo byo kuzirinda ni ukurya urusenda. Abahanga mu by’imirire bavuga ko iyo wongereye urusenda mu biryo rugabanyamo ibinyabutabire bitera kubyibuha (ibinure).

Urusenda ntabwo rugabanya ibinure mu biryo gusa ahubwo runagabanya isukari mu mubiri kuko rwongera ibyitwa insuline bishinzwe kubaganya isukari igihe yabaye nyinshi mu mubiri. Urusenda rwongera insuline mu mubiri igihe umuntu ariye urufite ingano ya capsaicin iri hagati ya 0.01 na 0.02% buri munsi kugera ku gihe cy’ibyumweru 6.

Kugabanya ibyago byo kurwara umutima

Capsaicin igabanya ibyago byo kurwara indwara z’umutima nka atherosclerosis na coronary heart diseases.

Kurinda kanseri

Urusenda rubamo ibyitwa carotenoid, flavonoids, acide phenolique na acide ascorbique bigabanya ibyago byo kwirema kw’ibibyimba mu mubiri.

Capsaicin ituma habaho gupfa kwa cellule zongera ibyago byo kurwara kanseri. Izo cellule ziba mu rwagashya, ibihaha, mu dusabo tw’intanga, no mu muhogo.

Kongera ubudahangarwa bw’umubiri

Kurya urusenda bisukura inzira z’ ubuhumekero mu mazuru no mu bihaha bikarinda ibi bice kurwaragurika.

Gufasha itembera ry’amaraso

Urusenda rugabanya cholesterol mu mubiri bigatuma amaraso atiremamo utubumbe, rugabanya kandi ibyago byo kuvira imbere mu mubiri.

Gentil KABEHO

 

1 Comment

Leave a Reply

Your email address will not be published. Required fields are marked *