Tuesday, October 19
Shadow

Kurya chocolat bituma umuntu agira imisatsi myiza

N’ubwo kugira ngo umusatsi urusheho kugaragara neza hari ibisabwa kuwushyiramo (produits n’amavuta), ubushakashatsi bumaze kwerekana ko hari ibiribwa bimwe na bimwe bituma umusatsi uba mwiza. Muri ibyo biribwa chocolat iri mu biza ku isonga.

Ricardo Vila Nova impuguke ishinzwe ibirebana n’ubwiza bwo mu maso no ku mutwe mu isosiyete yitwa Urban Retreat avuga ko kurya chocolat y’umukara bifasha ingirabuzima itanga ibara ry’umusatsi (mélanine) gukora cyane bigatuma umuntu atazana imvi imburagihe ahubwo imisatsi igahora itohagiye kandi icyeye.

Usibye chocolat y’ibara ry’umukara, ibindi biribwa bifasha umusatsi guhora ari mwiza ni amafi ngo kuko iyo umuntu ayariye bifasha umusatsi koroha ntiwumagare na ho avocat igafasha umusatsi kunoga no kubengerana.  Impuguke Vila Nova ivuga ko ibindi byo kurya bishobora gufasha umusatsi guhora ari mwiza ni lentilles na tofu.  Asubanura na none ko kudatuza no guhorana umujagararo (stress) bigira ingaruka ku musatsi ndetse bikawuviramo gupfuka.

Gentil KABEHO

Source: Grazia

Leave a Reply

Your email address will not be published. Required fields are marked *