Wednesday, October 21
Shadow

Dusobanukirwe n’amwe mu mategeko agenga ubukerarugendo (Igice cya kabiri)

Muri gahunda Mukerarugendo.rw yiyemeje yo kubahugura ku ngingo zimwe na zimwe zirebana n’ubukerarugendo ubu noneho ni igihe cyo kubagezaho amwe mu mategeko arebana n’ubukungu.

  1. Ibirebana n’ifaranga ry’igihugu    

Ibisabwa mukerarugendo bijyanye n’amafaranga akoreshwa mu gihugu runaka yemererwa kwinjira cyangwa gusohoka mu gihugu biratandukanye bitewe n’igihugu. Hari ibyemera amafaranga y’amahanga, hari ibyemera makeya , hakaba n’ibitayemera na gato kandi buri mukerarugendo aba asabwa gukurikiza amategeko asanze.

2.Ibirebana n’ubwishingizi

Buri mukerarugendo asabwa kugira ubwishingizi mu rugendo agiyemo. Ubwo bwishingizi bumugoboka mu gihe habaye impanuka itunguranye cyangwa mu gihe na we agize ibyo yangiza aho yatembereye.

3.Ibirebana n’umusoro w’ibyinjijwe

Mu bihugu byinshi by’isi iyo mukerarugendo amaze mu gihugu cy’amahanga amezi arenze atatu, mbere yo gutaha agomba guhabwa icyemezo cyerekana niba yarakoze imirimo imwinjiriza amafaranga bityo akaba yagira umusoro atanga kuri uwo musaruro yabonye.

4.Ibirebana n’umusoro w’urugendo.

Iyo uwo musoro utakomatanyijwe n’igiciro cy’urugendo hari ubwo abagenzi basabwa kugira amafaranga runaka batanga mu rwego rwo kubungabunga ibikorwa remezo birebana no gutwara abantu.

Mark MUKAMA                                                                                                                                                                                                     

 

Leave a Reply

Your email address will not be published. Required fields are marked *