Tuesday, November 24
Shadow

Imibavu 10 y’abagore ya mbere ku isi

Hari abantu benshi banezezwa no kwitera umubavu haba buri munsi cyangwa se mu gihe k’ibirori. Ku isi yose parfum zaramamaye ariko agaciro kazo ntabwo kangana. Hari inganda zakoze izina kurusha izindi ari na byo bituma imibavu yazo iza ku myanya ya mbere ku isi. Mu kiciro cy’imibavu y’abagore uru ni urutonde rw’imibavu icumi iza ku isonga ku isi.

1.Chanel N5: Uyu mubavu wakozwe na Coco Chanel mu mwaka wa 1921. Ufatwa nk’uwa mbere ku isi kubera gukundwa n’abantu benshi ndetse no kugira impumuro nziza.

2.Shalimar: Jacques Guerlain ni we wakoze uyu mubavu mu mwaka wa 1925. Iby’ingenzi bikorwamo iyi parfum ni indabyo za iris, rose na jasmine.

 

3.Poison : Mu 1985 ni bwo uyu mubavu wakozwe na Christian Dior. Ni umubavu ukunzwe cyane kubera impumuro yawo inezereza uwawiteye n’ababa bamuri hafi.

4.L’air du temps : ubu bwoko bwa parfum bwadutse mu mwaka wa 1948 ukozwe na Nina Ricci. Yamamaye ku isi yose kubera impumuro itera akanyamuneza.

5.Classique : Ni umubavu wakozwe na Jean Paul Gaultier. Mu kuwutunganya hakunze kwifashishwa indabyo za orchids, amaroza ndetse n’imbuto z’amacunga.

6.Coco Mademoiselle : Chanel ni we wakoze uyu mubavu. Ni umubavu utuma uwawiteye agira igikundiro mu bandi. Ukoze mu mu mbuto za mandarine n’indabyo za rose na jasmine.

7.Opium : Yves Saint Laurent ni we wakoze bwa mbere uyu mubavu wa Opium mu mwaka wa 1977. Uyu mubavu ngo ufasha abantu benshi gukundana kabone n’iyo bwaba ari ubwa mbere bahuye.

8.Youth Dew : Uyu mubavu ufite isoko rinini cyane hirya no hino ku isi kuko ukundwa n’abakobwa ndetse n’abagore bo mu byiciro binyuranye by’imyaka. Iyi parfum yakozwe bwa mbere na Estee Lauder.

9.Eau Dynamisante : Ukozwe ahanini mu mbuto z’indimu n’amacunga. Uwawukoze ku nshuro ya mbere ni uwitwa Clarins.

Calvin Klein : Uyu mubavu wa Calvin Klein urazwi cyane hirya no hino ku isi kandi ngo abagore cyangwa abakobwa bawiteye bakurura abantu b’igitsina gabo cyane.

Bidatinze, Mukerarugendo.rw izabagezaho urutonde rw’imibavu 10 ya mbere ku isi ku ruhande rw’abagabo.

Gentil KABEHO

 

Leave a Reply

Your email address will not be published. Required fields are marked *