Wednesday, October 21
Shadow

Boseman wamamaye muri filimi “Black Panther” yaratabarutse

Umunyamerika Chadwich Boseman wagaragaye nk’umwe mu bakinnyi b’imena muri filimi yakunzwe na benshi yitwa Black Panther yitabye Imana ku itariki 28 Kanama 2020.

Uyu mugabo w’imyaka 43 yahitanywe n’indwara ya kanseri yari amaranye imyaka ine. Abo mu muryango we batangaje ko yapfiriye iwe mu rugo hafi y’umufasha we.  Bongeraho ko ikintu kibatera ishema ari uko Boseman yashoboye kubaka izina ubwo yakinaga mu buryo bunoze ‘role’ y’umwami T’Challa muri filimi ya Black Panther.

Mu mwaka wa 2016 ni bwo Boseman yasanzwemo kanseri yo mu mara ariko ntiyigeze abitangaza ku mugaragaro gusa yagiye yivuza ari na ko akomeza ibikorwa bye byo gukina filimi.

Filimi Black Panther ya kompanyi yitwa Marvel yasohotse muri 2018 yagaragayemo Chadick Boseman nk’umukinnyi ngenderwaho kandi akina neza ku buryo byamuviriyemo kuba ikirangirire.

Jean Claude MUNYANDINDA

Leave a Reply

Your email address will not be published. Required fields are marked *