Wednesday, October 21
Shadow

Wari uzi impamvu abakobwa cyangwa abagore barangarira amabere ya bagenzi babo?

Akenshi iyo umukobwa cyangwa umugore yambaye ku buryo agaragaza amabere ye, usanga abantu b’igitsina gabo babarangarira ndetse bagacika ururondogoro amaso yabo akaba ariho yimukira. Gusa byagaragaye ko abakobwa n’abagore barangara amaso bakayahanga amabere y’abo bahuje igitsina.

Kuba umugabo yakwitegereza amabere y’umugore cyangwa umukobwa ni ibisanzwe muri  kamere muntu cyane ko hari ibice bimwe na bimwe by’umubiri bibakurura kurushaho bigatuma umugabo yagaragara nk’uwenda kwiciraguraho atangarira imiterere y’umugore uri hafi ye. Gusa bijya bigaragara ko mu gihe umukobwa aganira na mugenzi we basangiye igitsina usanga amaso ye yayerekeje ku bice by’umubiri bimwe na bimwe bye. Ibi ntabwo bisobanuye ko byanze bikunze umuntu w’igitsina gore aba yakuruwe na mugenzi we mu ntekerezo z’ibyifuzo byerekeza ku mibonano mpuzabitsina.

Abashakashatsi bo muri Kaminuza ya Nebraska-Lincoln yo muri Leta Zunze Ubumwe z’Amerika ari bo Sarah Gervais na Michael Dodd berekanye ko akenshi abakobwa cyangwa abagore barangarira amabere ya bagenzi babo atari uko babifuje, ahubwo bagamije kugereranya imiterere y’ayo mabere n’ayabo bwite. Ubwo bushakashatsi  bwagaragaje ko abakobwa n’abagore baba bafite amatsiko yo kureba niba bagenzi babo babarusha amabere ateretse neza nk’imitemeri, atohagiye, manini ashobora gukurura abagabo, n’ibindi…Gusa usibye no kwiteregeza amabere y’abo basangiye igitsina, abakobwa n’abagore bakunze kugaragara bahindukira mu nzira barangariye insokozo, imyambarire n’isura y’undi mukobwa cyangwa umugore.

Mary IRIBAGIZA

Leave a Reply

Your email address will not be published. Required fields are marked *