Wednesday, October 21
Shadow

Meddy ararangisha umwana wo mu Bugesera ubyina indirimbo ye

Umuhanzi Medard Ngabo uzwi nka Meddy yasabye buri wese waba uzi umwana witwa Bright Itangishaka Bright bita Kabyuri kumuhuza na we.

Ni mu butumwa yanditse ku mbuga nkoranyambaga ze mu ijoro ry’uyu wa gatatu tariki 26 Kanama 2020, nyuma y’uko Kabyuri w’imyaka umunani abyinnye indirimbo ye ‘We Don’t Care’ aherutse guhuriramo na RJ the DJ ndetse na Rayvanny.

Meddy ati “Ndimo gushakisha uyu mwana. Niba uzi aho namusanga umenyeshe.”

Kabyuri ubarizwa mu murenge wa Kanazi, akarere ka Bugesera mu ntara y’i Burasirazuba ni umwe mu bana bakiri bato bafite impano itangaje yo kubyina indirimbo zitandukanye.

Amaze iminsi ahererekanywa na benshi ku mbuga nkoranyambaga bitewe n’indirimbo ‘Ubushyuhe’ ya DJ Pius yakoranye na Bruce Melodie aherutse kubyina.

Yavuze ko n’ubwo agejeje imyaka umunani y’amavuko ataratangira ishuri ku mpamvu adasobanura neza. Kuba akunze kugaragara adasa neza ngo ni uko yirirwa akina n’abandi bana.

Uyu mwana agaragara mu mashusho yambaye ikabutura y’ubururu n’umupira yapfundikiye mu rukenyerero.

Abyina indirimbo zitandukanye inyuma ye hari Radio yanditseho “Wireless Speaker” imufasha kumva neza indirimbo.

Uyu mwana avuga ko izina ‘Kabyuri’ yarihawe na nyina ko ubusanzwe yitwa Bright Itangishaka . Avuga kandi ko avukana n’undi mwana umwe.

Mukerarugendo

 

Leave a Reply

Your email address will not be published. Required fields are marked *